Денес пред споменикот „Македонија“ во струмичкиот градски парк, во организација на Општина Струмица, се одржа чествување по повод 62 – годишнината од раѓањето на вториот Претседател на Република Македонија, Борис Трајковски. За животот и делото на Претседателот Трајковски, пригодна реч одржа градоначалникот на општина Струмица, Коста Јаневски, кој меѓу другото, ги истакна неговите заложби за интегрирање на Македонија во ЕУ и НАТО. На свеченоста беа доделени награди на авторите на најдобрите творби во чест на Претседателот Трајковски, од традиционалниот конкурс на ЛУБ „Благој Јанков – Мучето“, а беше положено и свежо цвеќе пред споменикот „Македонија“. Во својот пригоден говор, градоначалникот Јаневски рече:

Градоначалникот на општина Струмица Коста Јаневски, денеска, положи свежо цвеќе пред споменикот на загинатите бранители, а по повод 17-годишнината од загинувањето на Атанас Јанев учесник во воениот конфликт во Република Македонија во 2001 година. Цвеќе положија и членови на семејството Јаневи, претставници на СВР Струмица, Општинскиот одбор на Сојузот на борците, јавни институции организации, а за ликот и делото на Јанев зборуваше Танчо Пројковски, началник на Секторот за внатрешни работи во Струмица.

Општина Струмица продолжува со реализацијата на програмата за подобрување на патната инфраструктура во Општината, обезбедувајќи поквалитетен живот на жителите во населените места. Во тек е асфалтирање на изведениот пат од населеното место Куклиш до населеното место Градско Балдовци во должина од еден километар. Градоначалникот Коста Јаневски со своите соработници, денеска. беше на лице место за да види како се одвива реализацијата на овој зафат.

Поради неповолните временски услови, најавеното прво авионско прскање против комарци на 17 јуни не се изврши. Од Центарот за развој на Југоисточниот плански регион кој во соработка со десетте општини од регионот го организира авио-третирањето против комарци, ги информираат граѓаните дека прскањето ќе се изврши на 27.06.2018 година (среда) во раните утрински часови, односно, во периодот од 04:30 до 09:30 часот. Доколку временските услови не дозволат да се реализира прскањето, истото ќе се спроведе наредниот ден, 28.06.2018 година во истиот временски период. Се известуваат сопствениците на пчелни семејства да преземат соодветни мерки за заштита, односно да ги затворат истите во најавениот временски период.

Во домот на АРМ во Струмица, денеска, се одржи тркалезна маса на тема „Креирање екосистем и промоција на претприемништвото за економски развој на општина Струмица“, во рамките на проектот „Мобилизација и активизам во локалната заедница - Институционална поддршка од Фондацијата Отворено Општество Македонија, во организација на Центарот за истражувања и анализи НОВУС –Струмица, а поддржан од Фондација Отворено Општество Македонија.