Градоначалникот на општина Струмица, Коста Јаневски, ја покажа својата хуманост и солидарност кон граѓаните кои имаат здравствен проблем и на кои им е потребна помош од пошироката заедница. Со купениот билет и дополнително донираните средства, тој синоќа беше меѓу публиката на хуманитарниот концерт што го организираше Струмичката естрада кој што се одржа во големата сала на центарот за култура „Антон Панов“. Својата хуманост ја потврдија и претседателот на Советот на општина Струмица, Марјан Даскаловски и членови на истиот. Средствата собрани од овој концерт се наменети за продолжување на лекувањето во Русија на 32-годишниот Никола Новоселски од Муртино.