Советот на општина Струмица денеска ја одржа четвртата седница. Иако од политички причини, советниците од ВМРО ДПМНЕ ја напуштија седницата, на истата беа усвоени повеќе предлог одлуки, решенија, извештаи и програми. Беа усвоени Извештајот за работата на Општинската изборна комисија – Струмица за организација и спроведување на Локалните избори 2017 година, за периодот август – октомври 2017 година,

Предлог – Одлуката за определување висината на надоместокот и начинот на исплата на изборните органи при локалните избори во 2017 година на подрачјето на Општинска изборна комисија – Струмица, Предлог –Одлуката за определување и исплата на надоместокот за изборните трошоци на организаторите на изборната кампања за Локалните избори 2017 година во општина Струмица. Советниците ги усвоија и Измената и дополнувањето на Годишниот план за вработување за 2017 година во општина Струмица, предлог – одлуките за доделување на парична помош на Миле Божинов, Љупчо Симевски и Димитар Алачки сите од Струмица, Програмата за дополнување на Програмата за изработка на урбанистички планови на подрачјето на општина Струмица за 2017 година, Предлог – Одлуката за избор на член на Советот на општина Струмица, кој ќе учествува во процесот на одлучување за прашањата на конфликт на интереси на Градоначалникот на општина Струмица, Предлог – Решението за разрешување на членови во Управниот одбор на ЈПКД „Комуналец“ Струмица, Предлог – Решението за разрешување и избор на членови на Советот на општина Струмица за учество во работата на Комисијата за издавање на деловен простор под закуп, Предлог – Решението за разрешување и именување на членови во Локалниот економско-социјален совет на општина Струмица. На денешната седница беа усвоени и предлог програмите за развој на локалната установа библиотека „Благој Јанков Мучето“ за 2018 година, Програмата за работа со финансов план за 2018 година на општинската установа Дом за деца и млади „Благој Мучето“, Предлог- Анексите на годишните програми за работа на основните општински училишта во учебната 2017/2018 година, извештајот за работењето и годишниот план за вработување на ЈП „Струмица гас“, како и повеќе предлог одлуки од областа на урбанизмот.