Буџетите на општината за 2015 година и пред неа, а и сите измени, дополнувања и ребаланси можат да се најдат во службените гласници од 2005-2018 кои се поставени на општинската веб страница или во делот општи акти.
Големите поплави во општина Струмица и последиците што тие ги предизвикаа беа тема и на денешната 66 седница на Советот на општина Струмица. Кирил Парталов, секретар на општината и командант на кризниот штаб ги информираше членовите на Советот за севкупната состојба со поплавите и големите последици што тие ги предизвикаа кај домаќинствата, стопанските објекти и обработливите површини.
Во општина Струмица се интензивираат подготовките за најголемата забава под маски, традиционалниот струмички карневал 2013. Седумдневните карневалски празнувања ќе почнат на 14 март со концертот под маски на учениците од музичкото училиште „Боро Џони“, а на наредниот ден ќе се одржи традиционалниот маскенбал на кој ќе бидат избрани принцот и принцезата кои ќе ја предводат карневалската поворка на главната карневалска вечер која ќе се одржи на 16 март.
На 27 февруари 2013 година во просториите на Домот на АРМ во Струмица се одржа првиот квартален состанок на одговорните за образование од општина Струмица со претставниците од Проектот за меѓуетничка интеграција во образованието и претставник од партнерската организација Љоја од Тетово.
Речните корита и водотеците се стабилизираат, а жителите се молат да не заврнат нови дождови, вака е денеска во поплавените населени места во струмичкиот регион. Во најзагрозените села водата почна да се повлекува, но се уште во големи количини ја има по дворовите, куќите и стопанските објекти.
Жителите од поплавените населени места во општина Струмица ги чека уште една долга ноќ во битка со водената стихија. Најзагрозени се селата Муртино, Сачево, Просениково, Дабиле, каде се е поплавено и домовите и пластениците засадени со раноградинарски култури, под вода се дел и од автомобилите и земјоделската механизација.
Општина Струмица денеска ја одбележа деветгодишнината од трагичната смрт на претседателот на Република Македонија, Борис Трајковски. Пред споменикот „Македонија“ во големиот градски парк подигнат во чест на Трајковски беше положено цвеќе, а за неговиот живот и неговото дело зборуваше Марјан Даскаловски, претседател на Советот на општина Струмица.
